BESA TIME®
Portali i Lajmit të VertetëERDOGANI: DIPLOMACIA E VETMJA RRUGËDALJE NË LUFTËN RUSI-UKRAINË
ERDOGANI: DIPLOMACIA E VETMJA RRUGËDALJE NË LUFTËN RUSI-UKRAINË
Presidenti Erdoan tha sot në konferencën e përbashkët të shtypit me Kryeministrin e Holandës, Mark Rutte se Turqia do të vazhdojë iniciativat e saj që e shohin diplomacinë si të vetmen rrugëdalje në luftën Rusi-Ukrainë.
Turqia do t’i vazhdojë përpjekjet për vendosjen e paqes në Ukrainë
Presidenti Rexhep Tajip Erdoan (Recep Tayyip Erdoğan) zhvilloi të martën pasdite në Kompleksin Presidencial takime kokë më kokë dhe mes delegacioneve me Kryeministrin holandez, Mark Rutte, i cili ishte për një vizitë zyrtare në Turqi.
Në konferencën e përbashkët për shtyp të mbajtur pas bisedimeve, presidenti Erdoan u ndal edhe në luftën Rusi-Ukrainë.
Duke sjellë në kujtesë se Turqia ka mbajtur një qëndrim të qartë që nga fillimi i krizës në Ukrainë dhe ka bërë thirrje për gjykim të shëndoshë, Erdoan tha:
"Për fat të keq, drama humanitare atje vazhdon të rritet. Ne vazhdojmë një trafik intensiv diplomatik për t'i dhënë fund kësaj ecurie".
Duke deklaruar se ai i mban kontaktet me presidentët e Ukrainës dhe Rusisë, Vladimir Zelenski dhe Vladimir Putin, Erdoani tha:
“Jemi të vetëdijshëm për kompleksitetin e rrethanave, por ne do të vazhdojmë nismat e sinqerta që e konsiderojnë diplomacinë si rrugëdaljen e vetme”.
Duke sjellë në kujtesë se edhe ministri i Jashtëm, Mevlut Çavushollu (Mevlüt Çavuşoğlu) është takuar me homologët e tij në Rusi dhe Ukrainë, presidenti Erdoan tha: "Ne theksuam se do të bëjmë më të mirën e mundshme në rrugën drejt armëpushimit dhe paqes. Ne e dimë se diplomacia është e vetmja rrugëdalje."
Në fjalën e tij presidenti Erdoan u ndal edhe në marrëdhëniet me Holandën, ku tha se vëllimi tregtar mes dy vendeve është rritur me 30 për qind dhe ka arritur në 11 miliardë dollarë dhe objektivi i radhës është fillimisht 15 miliardë dollarë dhe më pas 20 miliardë dollarë.
Turqia është një aleat i rëndësishëm i NATO-s
Kryeministri i Holandës, Mark Rutte nga ana e tij vuri në dukje se Turqia ka një rëndësi të madhe politike dhe ushtarake për NATO-n si dhe luan një rol kyç në negociatat Rusi-Ukrainë.
“E falënderoj Zotin Erdoan që e ka ndërmarrë këtë rol”,- tha Rutte.
“Dua të them se ne e mbështesim Turqinë (në ndërmjetësim), e cila është një nga vendet e rralla që ka kanale të hapura me të dyja vendet (Rusi-Ukrainë”,- theksoi kryeministri holandez. TRT Shqip
VJOSA OSMANI: LUFTA RUSI-UKRAINË MUND TË PËRHAPET EDHE NË BALLKAN
VJOSA OSMANI: LUFTA RUSI-UKRAINË MUND TË PËRHAPET EDHE NË BALLKAN "Jemi të shqetësuar se lufta mund të përhapet edhe në Ballkanin Perëndimor, sepse Rusia prej disa kohësh e përdor Serbinë si një përfaqësues të saj në rajon"...
NË PRAG TË TAKIMIT BIDEN-ERDOGAN
NË PRAG TË TAKIMIT BIDEN-ERDOGAN...
ERDOGANI DHE TURQIA: NË AIR I BËRI SHQIPTARËT KRENARË
ERDOGANI DHE TURQIA: NË AIR I BËRI SHQIPTARËT KRENARË Sokol Brahaj 15/9/2018...
“PO-EVET” PRESIDENT ERDOGAN -THA POPULLI TURK
“PO-EVET” PRESIDENT ERDOGAN-THA POPULLI TURK Fjalimi Presidentit të Turqisë Rexhep Tajip Erdogan pas fitimit të referandumit popullor për ndryshimin e 18 neneve të kushtetutës të cilat do bëjnë ndërrimin e sistemit parlamentar...
"FONDI SOVRAN" 200 MILIARDË DOLLARË
TË HËNËN STARTOI ME 200 MILIARDË DOLLARË “FONDI SOVRAN I PASURISË SË TURQISË" I CILI SYNON 10-SHEN E PARË NË BOTË Qeveria e Ankarasë bën të ditur se Fondi Sovran i Pasurisë së Turqisë, që parashikohet të arrijë vlerën e 200...
