BESA TIME®
Portali i Lajmit të VertetëGREQIA KA BËRË GENOCID DHE HOLOKAUST NDAJ SHQIPTARËVE ÇAMË PAS TRAKTATIT TË LOZANËS
↓
PAS TRAKTATIT TË LOZANËS
GREQIA KA BËRË GENOCID DHE HOLOKAUST
NDAJ SHQIPTARËVE ÇAMË
EKPERTI I BALLKANIT PROFESORI TURK ABDULLAH SENCER GÖZÜBENLI
U FOLI SHQIPTARËVE PËR TRAKTATIN E LOZANËS:
ÇËSHTJA ÇAME ËSHTË ÇËSHTJE GJENOCIDI,
ËSHTË HOLOKAUSTI I BALLKANIT JUGOR
GREQIA KA BËRË GENOCID NDAJ SHQIPTARËVE ÇAMË
Intervistё Ekskluzive për BesaTime nga Sokol BRAHAJ, Qershor 2018
↓
BesaTime: Profesor çfarë thotë Traktati i Paqes së Lozanës për të drejtat e "Shqiptarëve Çam"?
GÖZÜBENLİ: Neni 45 i Traktatit të Paqes së Lozanës thotë që edhe Shqiptarët Çam në Greqi pranohen si “Minoritetit Mysliman në Greqi”. Sipas këtij neni (duke iu referuar neneve 37 deri të 44) "Të gjitha të drejtat që u njihen Minoriteteve Jo-Myslimane" në Turqi, po ashtu, në mënyrë reciproke do tu njihen "Të gjitha të drejtat edhe Minoriteteve Myslimane" që jetojnë në Greqi. Nëse i lexoni me vëmendje nenet "37-44" të këtij Traktati, të cilat janë objekt i dispozitave për të drejtat e pakicave, mbrojtjen/mbikqyrjen e tyre dhe të gjitha llojet e reciprocitetit në mes Turqisë dhe Greqisë, duket qartë se nuk kufizohet vetëm me "Minoritetin Mysliman Turk në Trakën Perëndimore", por do të shikoni se këto nene mbulojnë të gjitha Minoritetet Myslimane, duke përfshirë edhe Shqiptarët Çam në Greqi.
↓
BesaTime: Domëthënë që është në Traktatin e Lozanës edhe "Çështja e Shkëmbimit të Shqiptarëve Çam"?
GÖZÜBENLİ: Për shkëmbimin e Popullsisë midis Greqisë dhe Turqisë, sipas marrëveshjes që u nënshkrua në Lausanne në Janar të vitit 1923, Turqia dhe Greqia detyruan qytetarët e tyre (sipas përkatësisë fetare) ti nënshtrohen zhvendosjes.
Gjatë shkëmbimit të popullsisë midis Greqisë dhe Turqisë, u detyruan të shvendosen 1.200.000 të Krishterëve Ortodoksë Grekë nga Anadolli në Greqi, dhe 500.000 Myslimanë u detyruan të shvendosen nga Greqia për në Turqi.
Përjashtimi nga zhvendosja gjatë shkëmbimit të popullsisë midis Turqisë dhe Greqisë ishte vetëm për Ortodoksët që jetojnë në ‘Stamboll’ dhe ishujt ‘Gökçeada’ dhe ‘Bozcaada’ të Turqisë, ndërsa në Greqi, u përjashtuan nga zhvendosja gjatë shkëmbimit vetëm Myslimanët Turqë që jetojnë në Trakën Perëndimore.
Megjithatë, sipas raportit të "Komiteti i Shkëmbimit të Epirit 14" që kam gjetë në arkivat greke, ne shohim se këtyre shifrave i shtohen edhe 2.993 familje shqiptare Çam. Në fund të shkëmbimit të Epirit, domethënë në atë kohë, në Çamërinë e sotme janë përjashtuar nga ky shkëmbim 18.000 familje shqiptar Çam. Pra një pjesë e madhe e popullsisë Çame është përjashtuar nga ky shkëmbim.
Duke qënë e qartë se në Traktatin e Lozanës "Të Drejtat e Pakicave" janë legjitime vetëm për "Ato Pakica që përjashtohen nga shkëmbimi i popullsisë” [dhe që do jetojnë në vendin e lindjes, pra për Myslimanët që do vazhdojnë të jetojnë në Greqi dhe Jo-Myslimanët që do vazhdojnë të jetojnë në Turqi], këtu duhet nënvizuar që (këta 18 Mijë) familje shqiptare Çame, kurrë nuk përfituan asgjë nga këto pika të veçanta të këtij traktati. Edhe pse traktati nënvizon se "e drejta e pronës" është një ndër të drejtat themelore të njeriut po në këto nene, Shqiptarëve Çamë nuk ju është dhënë asnjë e drejtë në Greqi.
↓
BesaTime: Profesor po përgjegjësit dhe vëzhguesit e zbatimin të këtij traktati çfarë thojnë për këtë temë?
GÖZÜBENLİ: Periudha e zbatimit dhe e vëzhguesve të Traktatit të Paqes së Lozanës shkruhet në nenin 44 të saj, dhe se ishte nën patronazhin e OKB'së, dhe për këtë arsye heshtja e OKB'së që 75 vite është shumë shqetësuese për mua. Sepse kjo marrveshje nga njëra anë "Shqiptarët Çam i quan Pakicë Myslimane" e nga ana tjetër "moslejimi i përfitimit të drejtave të pakicës" është totalisht në kundërshtim me vlerat e BE'së ku Greqia është anëtare me të drejta të plota në të. Ne, këtë duhet ta nënvizojmë mirë që" Greqia ka kryer krim kundra njerëzimit".
↓
↓
BesaTime: Profesor çfarë mund të bëhet për të sot? Në fund të fundit, Greqia është anëtare e BE-së?
GÖZÜBENLİ: BE'ja për të drejtat e shqiptarëve Çamë duhet të ndërmarrë hapa më seriozë, unë ftoj BE'në që të jetë po aq e guximshme sa u tregua vitin e kaluar komisioneri Johannes Hahn kur tha që "Çështja Çame është një problem e cila pritet/duhet të zgjidhet mes dy shteteve".
↓
BesaTime: Ashtu është por "Çështjen Çame" Greqia bën sikur nuk e pranon atë si një "Problem”? Dhe për këtë ka edhe bekimin e Qeverisë aktuale të Tiranës ku ka mbi një vit që Qeveria e Tiranës ka heqë dorë totalisht nga çështja, biles edhe nocionin ‘Çamëri’ thuhet se e ka eleminua totalisht nga literatura diplomatike e qeverisë... si dhe kush do ta bëjë këtë?
GÖZÜBENLİ: Greqia kujton se "problemet që ka, duke mos i bërë problem” i shpëton zgjedhjes. Gjithashtu duhet nënvizuar që sipas Traktatit të Lozanës edhe Shqiptarët Çamë janë një nga komunitetet Myslimane nën kujdesjen e Turqisë, dhe për këtë, edhe adresa e përgjigjes që Greqia thotë se “Çështja Çame nuk ekziston” sipas Traktatit të Lozanës është Turqia, e jo Shqipëria.
↓
BesaTime: Profesor, a mund të themi që komshiu ynë-dhe i juaji- Greqia, për 75 vite ja ka arritë të fshehi Gjenocidin që ju ka bërë shqiptarëve Çam "duke mos e pranuar problemin si një problem"?
GÖZÜBENLİ: Jo jo, Greqia do apo nuk do, duhet ta dijë mirë që "Çështja Çame” është një problem aktual, pra është një Çështje e Pazgjedhur, është Çështje Gjenocidi! Çështja Çame është Holokausi i Ballkanit Jugor.
↓
BesaTime: Profesor kjo është si Holokausti që Gjermania i ka bërë Çifutëve?
GÖZÜBENLİ: Po po, por Gjermania e pranoi se u bëri gjenocid, holocaust, edhe u kërkoi falje edhe e pranoi dëmshperblimin. Ndërsa Greqia nuk është kaq fisnike dhe kurrë s’do ja arrisi Gjermaninë.
↓
↓
BesaTime: Profesor, ju e dini se "Shoqata Patriotike Çamëria", PDIU'ja -e njohur ndryshe si Partia Çame- në Shqipëri dhe sidomos presidenti i saj z. Shpëtim Idrizi kanë bërë punë të madhe për këtë çështje. Dhe ju me këtë prezantim shkencor për "Çështjen e Çame" i dhatë një kontribut të madh me të drejtë shqiptarëve, Shoqatës Çamëria, PDIU'së dhe z. Idrizi. Në qoftë se ju fton Shoqata Çamëria, PDIU dhe Shpëtim Idrizi, a do i ofroni këto kontribute?
GÖZÜBENLİ: Po, do të jem i nderuar nëse kontriboj diçka për Çështjen Çame. Unë përpiqem të ndjek vazhdimishit aktorët e Tiranës dhe të Diaporës Shqiptare që merren me "Çështjen Çame", gjithashtu dhe promovimet e tyre për çështjen. Unë e vlerësoj shumë punën e bërë të kryetarit të PDIU'së z. Shpëtim Idrizi, jo vetëm në Shqipëri, por edhe në arenen ndërkombëtare për ndërkombëtarizimin e Çështjes Çame. Pas themelimit të PDIU'së "Çështja Çame" filloi të zhvillohet në axhendën e të gjithë shqiptarëve dhe diasporës, si dhe në axhendën e BE'së dhe botës filloi të përflitet. Tani që gjeta rastin përshendes Javën Çame "Çamëria Nuk Harron" dhe ju uroj suksese dhe vazhdimësi në punët e Çështjes Çame.
↓
BesaTime: Profesor së fundi, a keni ndonjë këshillë për Shtetin dhe Qeverinë Shqiptare?
GÖZÜBENLİ: Kam shumë shokë e miq shqiptar e për këtë mundohem ta ndjek sa më shumë aktualitetin politik shqiptar. Unë nuk jam në gjendje të këshilloj për këtë çështje, por qeveria e Tiranës nuk po bën atë që "një shtet duhet ta bëjë për interesat e tij kombëtare" në lidhje me "Çështjen Çame".
Sepse "Çështja Çame" nuk është një problem politik, por siç e përmenda edhe më parë qe ky është gjenocidi i Greqisë ndaj shqiptarëve, është holokaust. Që do të thotë "një komb të jetë apo mos të jetë.
Për këtë shteti shqiptar dhe qeveritë e saj nuk mund ta injorojnë këtë fakt.
Përveç kësaj, Shqipëria duke njohur minoritetet, sipas reciprocitetit me të drejtë duhet të kërkojë "Statut për pakicës Shqiptare në Greqi", dhe këtë duhet ta bëjë me theks të qartë e duke e nënvizuar mirë.
↓
Eksperti i Balkanit ABDULLAH SENCER GÖZÜBENLI: profesori turk -Drejtori për Turqinë i "Asociacionit për Iniciativa Demokratike (ADI)", OJQ ndërkombëtare kjo me qënder në Gostivar- i cili ishte i ftuar nga Fakulteti Juridik i Tirana Business University në Konferencën e Pestë Ndërkombëtare mbi Studimet Ndërdiciplinore në Tiranë, prezantoi për herë të parë një artikull të tillë me titullin "Të Drejtat e Shqiptarëve Të Çamërisë, në Kontekstin e Traktatit të Paqes së Lozanës". Profesori turk pas konferencës dha këtë intervistë eksluzive për Besa Time në lidhje me Çështjen Çame.
Intervista dhe përkthimi Shqip, Anglisht, Turqisht nga Sokol BRAHAJ, ekskluzive për BesaTime.com, Qershor 2018
↓
↓
BesaTime.com
GJENOCIDI ÇAM, SOKOL BRAHAJ FLET PËR HERË TË PARË NË TV'NË SHTETËROR TURK, TRT
GJENOCIDI ÇAM, SOKOL BRAHAJ FLET PËR HERË TË PARË NË TV'NË SHTETËROR TURK, TRT Gazetari i njohur shqiptarë, specialist i BE'së Sokol Brahaj ishte i ftuari në këtë program dhe tregoi me detaja gjenocidin dhe gjendjen e asajkohe...
SHQIPTARË, NGA PREVEZA NË MOLLË TË KUQE KEMI VEÇ NJË ATDHE
"NE TË GJITHË SHQIPTARËT, PA DALLIME POLITIKE, KRAHINORE, FETARE E PREJARDHJEJE NGA PREVEZA NË MOLLË TË KUQE KEMI VEÇ NJË ATDHE" Nga Sokol BRAHAJ 10/05/2017 Ne të gjithë shqiptarët, pa dallime politike, krahinore, fetare e...
NE GREKËT E BËMË SPASTRIMIN ETNIK NDAJ SHQIPTARËVE ÇAMË: thotë Profesori GREK, TSITSELIKIS.
Profesori GREK, TSITSELIKIS thotë: NE GREKËT E BËMË SPASTRIMIN ETNIK NDAJ SHQIPTARËVE ÇAMË Profesori GREK Prof.Dr. KOSTANDINOS TSITSELIKIS thotë: NE, GREQIA DUHET TA PRANOJMË SPASTRIMIN ETNIK QË KEMI BËRË NDAJ SHQIPTARËVE ÇAMË:...
O ARTA DADE: DO S’DO TI ÇËSHTJA ÇAME ËSHTË ÇËSHTJE KOMBËTARE DHE E TË GJITHË SHQIPTARËVE
O ARTA DADE: DO S’DO TI ÇËSHTJA ÇAME ËSHTË ÇËSHTJE KOMBËTARE DHE E TË GJITHË SHQIPTARËVE shkruan adresen e vet te rrjetit social Vjollca Braho. Postimi i plotë;...
SHPËTIM IDRIZI: PDIU ËSHTË PARTI SOVRANE, KOMBETARE KU EDHE E KEMI TREGUAR KËTË GJË. PDIU NUK ËSHTË AS SHPATË, AS JASTËK I ASNJËRËS.
SHPËTIM IDRİZİ: ***PDIU ËSHTË PARTI SOVRANE, KOMBETARE KU EDHE E KEMI TREGUAR KËTË GJË. ***PDIU NUK ËSHTË AS SHPATË, AS JASTËK I ASNJËRËS. ***SI SHQIPTARE TE ÇAMËRISË NUK I KEMI BORXH KËRKUJT, JEMI NË GJENDJE TË FALIM DHE JEMI...
